Ponte Goatoe iha Suku Soro, Sub-distritu Ainaro, Distritu Ainaro ne’ebe maka at desde 2011 maibe to’o agora governu liu husi Sekretariu Estadu Obras Publiku (SEOP) seidauk hadia.
“Ami sei hare kona ba ponte ne’e, maibe neneik-neneik,” dehan Xefe Diresaun Nasional ba Pontes iha SEOP, Abrao Vieira, Mandarin, Dili.
Maske nune’e, tuir nia durante iha mandatu tinan lima ne’e SEOP konsege ona rehabilita ponte barak iha teritoriu tomak, e sira kontinua esforsu hodi hadia ponte balun ne’ebe seidauk.
Iha lidun seluk Deputadu Joaquin Amaral, hateten durante ne’e Governu sempre hare liu ba emergensia, no atendementu ba ponte ki’ik sira sempre tarde.
“Bantuan ba ponte ki’ik sira ne’e laiha tanba hare liu ba emergensia, depois abandona tiha fali ponte ki’ik sira ne’e,” dehan Deputadu Amaral.
Tanba ne’e nia parte husu ba governu atu tau matan mos ba ponte ki’ik sira ne’ebe durante ne’e aat, nune’e povu iha area rural mos sente dezenvolvementu iha rai laran.
