“Loron baibain ami lori ami nia sasan ba estrada hetan $5 to’o $10 dolar, hau kontente oituan tanba iha loron bo’ot kalan rua ne’e ami hetan liu fali husi ne’e $20-$30 dolar, ho osan sira ne’e ami bele sustenta nesesidade uma laran no supporta oan sira ba eskola,” hateten Negosiante Rita da Cruz, ho kontente, (20/05), iha Tasi Tolu, Dili.
Iha oportunidade hanesan Negosiante Zelia Maria Soares, sente triste oituan tanba iha loron importante ne’e sira mos hakarak buka sira nia moris liu husi negosio ne’ebe sira iha besik fatin serimonia nune’e sira mos bele asisti maibe eqipa saneamentu no polisia sira duni sira la besik iha fatin selebrasaun no estraga sira nia sasan.
“Ohin dadersan to’o kalan ne’e mak ema hola detik oituan tanba loron hira tuir mai ne’e ema sira ne’e duni ami tun sa’e deit tanba ne’e ami husu ba estado atu tau matan ba ami povu ki’ik sira ne’e tanba povu mak hili sira ba tur iha kadeira,” dehan Negosiante Zelia Maria Soares ho triste.
Iha parte seluk komunidade husi Bairo-Pite ne’ebe la’o ain ba asiste serimonia tomada depose ba presidente foun hateten katak nudar sidadaun sente kontente tebes ho loron restourasaun Timor-Leste bad ala 10 tanba maske foin tinan 10 Timor-Leste mos tama ona iha nasaun ne’ebe dezenvolve an ona.
“Hau espera katak ho selebrasaun loron independensia ba dala 10 ne’e ita bele kolabora bele dezenvolve ita nia nasaun hanesan nasaun ne’ebe nakonu ho dame,” dehan Elvis dos Santos.
