Hafoin muda remata negosiante husi merkadu Comoro ba merkadu Manleuana, governu mos sei muda hotu vendedores iha merkadu Hali laran ba merkadu Taibesi.
“Agora halo hela konvite para ida ne’e remata konvoka fali enkontru, para hare ba merkadu Hali laran no Becora,” hateten Administrador Gaspar Soares, semana kotuk (15/05), iha merkadu Comoro.
Tuir nia, depois de muda merkadu sira ne’e hotu sei halo operasaun ba negosiante sira iha estrada ibun hanesan iha Timor Plaza nia oin.
Entertantu Diretor Nasional Peskiza e Dezenvolvementu iha Ministeriu Turismu Komersiu Industria (DND-MTCI) Paijo hateten, wainhira muda tiha merkadu Comoro ba iha merkadu Manleuana depois mak hare tan merkadu Hali laran ba iha Taibesi.
“Politika MTCI nian hanesan atu kria merkadu ida tuir estandar ne’ebe mak iha entaun ida ne’e bele responde nesesidade,” dehan Diretor Paijo.
Nia hateten ba futuru vendedor sira nebe fa’an modo futun deit, bou deit uja lata bele komesa muda ona.
“Pur ezemplu kilo ida entaun fa’an kilo ida ninian duni,se la to’o kilo ida mak ida ne’e ladun garantia ida katak entre vendedores ho konsumidores,” Diretor Paijo dehan.
Enkuantu Negosiante merkado Hali Laran Joao Soares pronto atu muda ba merkadu Taibesi wainhira iha ona autorizasaun atu muda merkadu refere.
“Ami aseita kualker tempu Governu hakarak atu muda ami ba Taibesi ami pront atu ba maibe Governu tenki kria kondisaun baa mi atu nune’e ami bele fa’an ami nia sasan,”Soares tenik.
Tanba ne’e mak nia sujere ba iha Governu wainhira atu muda sai sira iha merkadu refere tenki fo aviza uluk atu nune’e sira bele a lot sira nia sasan.
“Ami lakohi mak Governu labele mai muda ami derepenti deit ami ba la iha fatin, tanba ne’e mak ami husu ante tenki fo avija kedas ba ami atu nune’e ami bele buka fati,” negosiante Soares dehan.
