Atu trabalhador domestika (pembantu rumah tangga) sira hatene liu tan sira nia direitu no dever, Working Women Center Timor Leste (WWCTL) oferese treinamentu ba sira iha Distritu Baucau.
“Dala barak ami rona informasaun katak sira ladun hatene sira nia direitu, patraun sempre taka,” hateten Advokasia Officer WWCTL Recardina Pasquela, semana kotuk (12/04) iha Baucau.
Materia treinamentu ne’e mak, fo kunesementu ba sira, atu sira bele hatene diak liu tan sira nia direitu, tanba dala ruma sira eziji sira nia direitu maibe haluha sira nia dever.
“Ami atu halo selesaun para entre patraun no domestic worker atu nune’e sira bele presiza malu, domestic worker bele husu sira nia direitu maibe labele haluha sira nia dever, patraun mos hanesan sira eziji servisu nain sira kona ba sira nia servisu patraun mos labele haluha selu ba servisu nain sira ne’e,” Advokasia Officer Pasquela dehan.
Partisipante ne’ebe partisipa iha treinamentu ne’e husi Distritu Baucau no Distritu Lospalos ,husi Distritu Baucau feto nain 15, husi Lospalos nain hat, e sira ne’e mesak servisu nain hotu deit.
Partisipante sira nee’e focal point mak buka dadus, e ital abele fo sai sira nia informasaun se sira lakohi,” Nia katak.
Tuir Advocasia Officer WWCTL ne’e katak, WWCTL fo ona treinamentu hanesan iha Distritu rua mak hanesan Dili no Ermera, tanba tuir target WWCTL nian kada tinan ida sira fo treinamentu ba Distritu lima mak hanesan Dili,Ermera, Baucau, Lospalos inklui Distritu Oe-Cusse, Distritu sira seluk sei iha planu nia laran.
Iha parte seluk Xefe Suku Tirilolo Baucau, Ricardo Ernesto Belo hateten, treinamentu ne’e foka liu ba servisu nain sira ne’ebe servisu iha loja no sai pembantu rumah tangga, e sira tenke hatene sira nia direitu no dever.
“Hau hare katak pelayan iha Distritu Baucau barak maibe tuir treinamentu ne’e oitua deit e iha tempu oin mai partisipante sira barak liu tan,” Xefe Suku esperansa.*
