“Ami halo monitorizasaun no halo akompaniamentu, fo mos asistensias impreza seluk ba ita nia negosiante sira,” hateten Xefe CDE Distritu Baucau, Filomeno Marcelino Belo, semana kotuk (10/04) iha nia knar fatin Tirilolo, Baucau.
Tuir Xefe Belo, treinamentu ne’e fo deit ba emprezariu sira, liu liu ba emprezariu ne’ebe presiza tebes asistensia tekniku kona ba vida imprezarial iha Distritu Baucau.
Agora dadaun sira halo hela levantamentu dadus ba iha Sub-distritu neen, inklui mos Sub-distritu Baucau, halo formasaun imprezarial no mos atu halo levantamentu dadus ba partisipante ne’ebe tuir kriteria CDE fo ba sira atu tuir feira fiar nasional iha Dili.
“Formasaun ne’e ba imprezarial hotu-hotu, maibe prioridade liu ba kontraktor kompania ida ne’ebe mak presiza los, presiza kapasitasaun ba area ne’ebe mak sira hakarak hili,” Xefe Belo afirma.
Iha parte seluk Komunidade Jaime Freitas Pereira hateten, formasaun ne’e diak tanba liu husi feira fiar sira ne’e bele halo prosesamentu ba aihan produtu local sira ne’ebe iha .
“Hau mos sente triste kuandu laiha feira fiar sira hanesan dala barak ita nia aihan produto local sia ne’ebe iha,” hateten Komunidade Pereira.
Tamba realidade ne’ebe akontese iha “ita nia rai laran no mercado sira ne’ebe ita nia komunidade sira fa’an ladun iha folin no sasan ne’ebe folin liu mak sasan sira ne’ebe mak impor husi rai liur tama mai iha ita nia rai laran.”
