Ekipa Susesu Kandidatu Prezidente (KaPrez) Taur Matan Ruak (TMR), Josh Trindade, optimista katak kandidatu TMR sei manan iha eleisaun ida ne’e, tanba niaiha kualidade duni atu sai Prezidente da Republika (PR).
“Tanba sa maka ami fiar an tebes atu manan iha eleisaun ida ne’e, ida ne’e klaru teb-tebes primeiru ,ita hare ba Taur Matan Ruak iha duni kualidade nebe maka diak teb-tebes, no iha kapasidade, maibe ida ne’e deit la to’o tanba iha tan nia iha komprensaun kona ba Timor-oan nia susar no terus,” hateten Kordenador Ekipa Susesu KaPrez TMR, Trindade, semana kotuk (13/04) iha Hotel Timor,Dili.
KOrdenador Trindade hatutan, alende kapasidade TMR mos nudar ema nebe maka servisu maka’as, ema nebe ke simples, no ema nebe maka rona ema seluk nia opiniaun, la’os deit ninia ideas maka los maibe TMR bele akumula ideas ema hotu-hotu depois maka nia tetu tanba ne’e maka fiar katak TMR bele manan iha eleisaun ida ne’e.
Iha lidun seluk membru Parlamentu, Deputadu Paulo Martins husi Bankada Congresu Nasional Rekonstrusaun Timor (CNRT), hateten Partidu CNRT fo apoiu ba TMR tanba nia nudar kandidatu independente, la’os husi partidu.
“Independenti ne’e signifika katak, netral no nia servisu ho netral, nia sei la inclina ga, ba escerda ga dereta maibe nia posisaun ne’e klaru iha klaran tanba ne’e maka husi CNRT nia posisaun Politik fo apoia ba TMR,” dehan Deputadu Martins.
Entertantu tuir apoiante KaPrez TMR, Antonio Ramos, katak kandidatu nain rua ne’e mesak rezistensia nia ema, maibe ida kandidatu independent no ida kandidatu husi partidu nian.
”Hau nia hanoin nain rua ne’e mesak rezistensia nia ema maibe ida mai husi partidu no ida mai husi independente. Maibe kandidatu independenti iha nebe deit, hakuak ema hotu- hotu tan ida ne’e maka ami nia esperansa ne’e TMR sei manan iha eleisaun segunda ronde,” dehan apoiante Ramos ho optimista.
