Sekretariadu Tekniku Administrasaun Eleitoral (STAE) Distritu Oe-Cusse oferese treinamentu ba brigadas sira, kona ba lalaok eleisaun nian tanba iha eleisaun prezidensial primeira volta, brigadas balun la ezekuta knar ho diak.Tuir Staf STAE Distritu Oe-Cusse, Luis da Costa, katak treinamentu ne’e hanesan aumenta sira nia konesementu ba brigadas sira.
“Treinamentu ne’e importante los ba brigade sira, atu nune’e bele iha konesementu naton, atu ultra pasa eleisaun segundu ronde iha fulan Abril ne’e. Iha eleisaun foin lalais buat balun maka ita la konsege ense ho diak maka ohin loron bele hare fila fali hodi nune ita hadia iha eleisaun tuir mai ne’e,” dehan Staf STAE da Costa, semana kotuk (03/04) iha Distritu Oe-Cusse.
Tuir da Costa, materia ne’ebé maka fo iha treinamentu ne’e maka displina eleisaun nian, no oras loke sentru votasaun.
Entertantu Treinador Eduardo de Jesus, espera katak ho treinamentu ne’e sei hadia liu tan sira nia knar iha eleisaun segundu ronde ne’ebé sei monu iha loron 16 Abril fulan ne’e.
‘’Hau agradese tebes ba imi hotu nia serbisu tanba sa hau dehan nune ba imi, tanba ita ultra pasa ona eleisaun primeiro ronde ho difikuldade lubun bo’ot ida, hanesan udan no anin bo’ot, mas konsege eleisaun la ho livre maske buat balun maka presiza ita hadia,” Nia katak.
Iha fatin hanesan Brigadas ne’ebe lakohi publika nia identidade, konsidera treinamentu ne’e importante maibe tempu mak limitadu.
“Agora treinamentu ne’e tenke han tempo loron hat ka semana ne’e lae loron ida deit sa araska los oinsa bele akapta amteria, maibe emprinsipio treinamentu kapas tebes hodi aumenta ami nia konesementu,” katak Nia.
