Polisia Distritu Baucau hatama kazu krimi eleitoral hat ne’ebe akontese durante tempu kampania ba eleisaun prezidensial iha primeira volta, hatama ba Minsteriu Publiku (MP) hodi halo investigasaun klean ba kazu sira ne’e.
Tuir Komandante da Costa, husi kazu sira ne’e inklui mos kazu Gari-Uai nian ne’ebe halo asalta bis ida husi Dili atu ba Distritu Viqueque nian.
Kona ba suspeitu sira ne’ebe mak involve iha akontesementu, parte polisia lahatene tanba bainhira polisia tun, akontese liu tiha ona.
“Kuando akontese liu ona ne’ebe la’os kaer toman, entaun otomatikamente polisia tenki hein delegasaun kompetensia husi Ministerio Publiko,” Komandante da Costa katak.
Iha parte seluk Prokurador Distritu Baucau, Aderito Timan hateten tuir lei iha artigu 74 husi kodigo prosesu penal bandu atu labele divulga prosesu ne’e.
“Ema ne’e kontaktu prossesu no konhesementu total reparsial, kona ba nia kontiudu labele divulga buat ida,” hateten Prokurador Tilman.
Enkuantu kona ba kazu 4 krikmi eleitoral, tama tiha ona no nia prosesu investigasaun no halo ona akuzasaun.
