“Ne’ebe ami hanoin presiza duni governu fo atensaun maka’as ba asuntu ne’e tanba bele destroy dezenvolvementu nasaun nian iha futuru,” rekomenda kordenadora de Jesus, semana kotuk (19/03) iha Bidau Toko Baru, Dili.
Tuir Kordenadora de Jesus, sira mos simu kazu Violensia Domestika hamutuk 142 impaktu husi konsumu alcohol no iha joventude 27 mak agora iha hela prizaun tanba konsumu alcohol no halo konflitu.
Kona ba droga, PRADET seidauk detekta lolos maibe iha duni. “Iha ema rua, ka tolu mak iha hela prizaun tanba sira uza no fa’an droga mak tama kadeia,” Nia katak.
Iha parte seluk Diretor Servisu Investigasaun Criminal (SIC), Superintendente Calistro Gonzaga hateten iha tinan rua ba kotuk SIC konsege rejista kazu droga hamutuk 10.
“Maibe ami nia mak oinsa atu hare provas no prepara objetus hodi bele fasilita pesoal nia prosesu iha Tribunal,” dehan Superintendente Gonzaga.
Diretor Gonzaga hatutan, kazu hirak ne’e, balun hetan ona desizaun ikus husi Tribunal, balun mos sei iha prosesu, no kada tinan ida registu kazu rua ou tolu kona ba droga.
“Maioria husi ema adultu inklui mos joventude sira,” Diretor Gonzaga tenik.
