Prezidenti Komisaun Funsaun Publika (KFP), Komisariu Liboriu Pereira hateten Komisaun sei tau matan nafatin ba makina estadu nian, atu oinsa mak bele halo servisu ho diak ba nasaun no ba povu iha nasaun ida ne’e.
“Komisaun Funsaun Publika nia kompetensia mak atu tau matan hodi priense funsionariu estadu hotu-hotu, tantu Prezidenti nian no mos Parlamentu ninian kona ba orgaun Governu ninian ho Tribunal sira,” dehan Komisariu Pereira, semana kotuk (23/03) iha serimonia tomada de pose ba funsiunariu senior sira iha Salaun MNE, Praia dos Quoqueiros, Dili.
Komisariu Perreira hatutan, KFP iha obrigasaun atu asegura permanente kona ba administrasaun publika e ministeriu negosiu estranjeiru kumpri nia misaun resensiadu iha diresaun departementu sira hodi responde dezafius sira.Iha serimonia tomada de pose, ne’e funsiunariu senior nain 13 mak hetan pozisaun foun mak hanesan, Diretor Jeral das Relasoens Eksterna, Juvencio Martins, Diretor Jeral do Consulares e Komunidade de Timorenses, Antonito de Araujo, Inspetor do Gabinete de Espesaun e Auditorial, Danilo Jose Naicoli Ximenes Goncalves, Diretor Nasional do Asuntus Consulares, Crisogno Leandro de Araujo, Dretor Nasional dos Asuntus Bilaterais, Marcos da Costa, Diretor Nasional do Administrasaun, Avelino Fernandes Ximenes Perreira.
Enkuantu Maria Mesquita Mendonsa, nudar Diretora Nasional dos Rekursu Humanus, Josefina Carla Pompeia Tilman nudar Xefe Departementu do Protokolu, Jacinto Frederico Carvalho nudar Xefe Departementu Acompanhamentu Finanseiru Servisos Perifericos Externos, Bonifacio Fatima Martins Belo- Xefe Departementu Planeamentu no Ezekusaun Orsamental, Benevides Alves do Nascimento-Xefe Departementu Lojistika, Antonio Romeo Gama nudar Xefe Departementu Arquivu no Biblioteka no Flaviano da Rosa Freitas, nudar Xefe Departememu Aprovazionamentu Bens e Servisu.
Entertantu Ministru Negosiu Estranjeiru, Zacarias Albano da Costa hateten, serimonia ida ne’e rutina maibe reflete duni ba instituisaun, hodi haforsa diak liutan iha instituisaun la’o ba oin.
“Hau nia kumprimisiu kona ba servisu publiku atu hare hotu-hotu, kumpri tuir lei nudar sidadaun hodi hala’o nia funsaun parte ezekuta ninian,” Ministru da Costa tenik.
Tuir Ministru da Costa, antes remata mandatu IV Governu Konstitusional iha MNE halo balansu frankamentu pozitivu iha tomada de pose ba Diretor foun no Xefe Departamentu sira.
“Pose ida ne’e kumpri duni kargu nebe xefia, refleta duni dinamika lei organika foun nebe aprova no implementa no konsagra tiha ona,” Ministru da Costa dehan.
