“Ita nia konstituisaun konsagra katak eleitor foun atinji idade sanulu resin walu ba leten, sira iha diretu partisipasaun, maibe presiza informa katak labarik nia mentalidade lais para ema mempegaruhui. Wainhira lider sira insulta malu sira aprende tuir entaun ne’e la diak ba futuru nasaun. Tamba ne’e ami governo liu hosi Komisaun Nasional ba Diretu Labarik apela ba partido politku atu la bele uza labarik sai dekorasaun politika,” hateten Reprezentante KNDL Piedade.
Iha tinan 2003 Estado Timor-Leste ratifika Konvensaun Direitu Labarik.
“Festa demokrasia [Eleisaun], festa ba ema boot nian. Konvensaun Diretu Labarik iha ne’eba mos dehan labarik iha diretu fundamental hat maka Diretu Sobrevivenesia, Partisipasaun, Dezenvolvmentu no Protesaun tamba ne’e liga ho eleisaun entidade hotu presiza rai konsiderasaun ba ba labarik. Sira hanesan surtahan mutin ida ita kolia mean ba sira, sira sei tau mean, ita tau metan nia sei tau metan, neduni lider sira presiza tempo kampanha kolia mamar la bele insulta malu.”
Iha fatin seluk Kordenador Sede Providoria Direto Humanus e Justisa nian (PDHJ) Regional Oé-usse, Paulo Ribeiro, hateteten katak liga ho eleisaun ne’ebé maka lakeur sei realisa dadaun, PDHJ halo ona formasaun ba sosidade sivil hodi halo monitorizasaun ba Eleisaun hare karik mosu failansu ruma li-liu utuliza labarik iha vida politika sira nia parte sei hato rekomendasaun ba instituisaun ligadus servisu kona ba labarik nia direitu.
Iha parte seluk seluk Diretora Protesaun Labarik Ministerio Solidaridade Social (MSS) Carmen Da Cruz hateten sira nia parte realiza ona workshop ho ministerio relevantes hodi halo prevensaun ba involve mentu labarik iha aktividade politko.
“Asuntu ida ne’e, ami hosi MSS, Komisaun Nasional Direitu Labarik, UNICEF, koalia ona no hasoru malu ho orgaun halao elisaun sira para oinsa halo protesaun ba labarik la bele involve iha aktividade politika,” hateten Direktora Da Cruz.
Entertantu Chefe Konselhu Estudantes (OSIS) Eskola Pre-sencundaria Santo António Oé-usse (EPSAO), Alfredo Soares, informa katak atu prevene involvimentu labarik durante tempo kampanha Prezidensial no Parlamentar nia parte sei hato ba alunus hotu hodi konserta deit ba prosesu eskola.
