‘Hau hanoin tempu besik mai lei ne’e bele hetan diskusaun,hau hatene katak ema hotu-hotu konkorda”hateten deputado Bankada PSD , Mario Viegas Carascalao, semana kotuk,(14/02).
Tuir nia, Parlamentu Nasional sei halo revizaun ba lei vitalisia ne’e hodi hatun salariu funsionariu sira nian kada fulan.
“Nia la servisu labele simu hanesan ho ema nebe servisu,” nia dehan.
Nia dehan lei pensaun vitalisia tenki simu deit 75 pursentu deit maibe ida nakonu ho 100 pursentu ne’e la justu.
“Liafuan ida naran vitalisia ne’e enkuantu nia sei moris nia simu nafatin,” dehan eis governador ne’e.
Mekanismu kria lei ne’e tanba wainhira funsionariu ida nia sei moris servisu ninia osan fulafulan deskonta wainhira nia reforma ona simu fali osan deskonta sira ne’e.
Lei vitalisia ne’el aos rekonese deit ba deputadu sira deit maibe sei rekoinese mos eistitulares sira .
Iha fatin hanesan Deputadu Bankada Kota, Manuel Tilman, hateten Lei Pensaun Vitalisia komisaun halo ona konferensia lideres iha semana liu ba.
“Sesta feira semana mai ne’e konferensia lideres bele iha ona testu final ida”Tilman tenik.
Iha konstituente nia tempu to’o mai iha primeira legislatura lei pensaun vitalisia kumpri deit tinan rua.
“Agora hau iha ne’e tinan 10 tiha ona katak, hau agora karik lla leitu fila fali mai iha eleisaun foun hau bele husu pensaun reforma tuir lei foun nian”
Tilman esplika,tuir lei foun nian nia bele simu deit 75 pursentu komapara ho kolega sira nebe reforma tiha ona iha primeira legislatura sira tinan rua deit bele reforma 100 pursentu.
“Hau to’o tinan 10 bele reforma deit 75 pursentu ne’e bele la los.”
Lei pensaun vitalisia ne’e sei ba parlamentu nian deit maibe Governu nian iha lei ketak.
“Iha ne’e iha lei rua,buat ida pensaun sobrevivensia no pensaun reforma ba titulares orgaun soberania kuandu titulu hanesan ne’e ba ema hotu-hotu,maibe agora lei ne’e ba deputadu sitra deit mas Governu Governu mos halo tiha ona sira nian ida,” Tilman hateten.
Lei pensaun vitalisia ne’e laos hare deit ba ema nia idade maibe hare ba ema nia tinan servisu.
“Karik sei tau tinan sanulu, so bele hetan deit direitu reforma durante mandatu tinan sanulu nia laran”
Tilman hateten, pensaun vitalisia ba membru parlamentu sira hamutuk U$ 1500 hanesan ne’e.
