Maske iha mikrolet 18 mak halo rejistu iha Diresaun Nasional Transporte e Terestres (DNTT) hodi halai ba dirasaun Bebonuk, Pantai Kelapa maibe realidade mikrolet 09 tolu deit mak halai tuir dirasaun ne’e.
“Realidade iha lapangan hau hare asvez ida deit mak halai, ida ne’e tanba kareta nain balun ppinta tiha tau fali 03 no 10 e balun mos halai iha foho,” hateten Staf Senior Traffic Light Joao Eugenio C. da Silva semana kotuk (08/02) iha Balide Dili.
Tuir nia, problema ne’e hato’o ona ba iha Diretor DNTT oinsa mak atu hare fila-fali transporte publiku (mikrolet 09) liu-liu diresaun Bebonuk, Pantai Kelapa no Balideaibe to’o agora seidauk iha resposta.
“Ami koalia tiha ona ho ami nia Diretur konaba transporte publiku, sira iha ona vizaun katak sei hare fila fali kareta 09 ne’e maibe to’o agora sidauk,” da Silva tenik.
Nia hatuutan, mikrolet hotu ne’ebe halai iha Dili laran, sira halai tuir sira nia jalur bazea ba lisensa husi DNTT seksaun Transporte Publiku nian.
Entertantu Negosiante merkadu Hali-laran Ramilca Ramos hateten, ho limitasaun mikrolet 09 fo impaktu ba sira hanesan negosiante tanba kareta ida deit mak halai.
“Ami nia hare durante ne’e kareta ida deit mak lao ,halo estudante no mos komunidade sira tenki hein fali 10 mak la’o ba Comoro no Balidi,” Ramos kestiona.
Tanba ne’e nia sujere ba Governu atu aumenta mikrolet 09 nian atu nune’e bele kobre hotu komunidade no estudante sira Balidi,Pantai Kelapa no mos Bebonuk nian e labele hein hotu.
