“Ami husu ba Timor Telecom (TT) , se bele karik bele dada Internet iha distritu sira atu nune’e estudante no juventude sira bele asesu informasaun liu husi internet,” husu joventude Deolindo
Tuir Gusmao, alende estudante husi eskola pre-sekundaria no sekundaria, mos iha estudante husi Universidade balun ne’ebe loke iha Distritu balun e sira susar atu hetan informasaun liu-liu bainihra halo tugas ruma.
“Hau rona informasaun katak, Timor Telecom iha planu atu loke internet iha distritu sira, ne’e diak liu tan,” nia apoia.
Entertantu tuir Lucas Freitas katak, bainhira TT loke Internet iha distritu mak sei fo benefisiu diak ba komunidade en jeral, liu-liu juventude no estudante sira.
“Ami mos rona informasaun husi Timor Telecom iha tinan kotuk katak, sira sei dada internet iha distritu sira,atu komunidade sira asesu,” nia dehan.
Wainhira TDW koko konfirma asuntu ne’e ba iha Timor Telecom maibe la konsege tanba ,Manuel Carceres husi Timor Telecom la iha fatin atu responde asuntu ne’e.
