Tuir Diretor Servisu Investigasaun Criminal (SIC) Superintendente Calistro Gonzaga katak, total membru Polisia Nasional Timor-Leste (PNTL) (nasional no distritu) ne’ebe involve iha grupu arte marsiais hamutuk 70 resin.
‘Sira nain 70 ne’e balun husi Distritu, balun iha unidade polisia nian, balun mos iha Komando Jeral,” hateten Diretor SIC Gonzaga, semana kotuk (13/02) iha Kaikoli, Dili.
Tuir nia, dadus ne’e hetan bazea ba verifikasaun ne’ebe ekipa PNTL halo iha komunidade (husu informasaun) depois ekipa ne’e rekomenda ba Komando Jeral da PNTL.
“Tanba Komando Jeral mak iha kompetensia atu anunsia husi nain 70 hatun ba na’in walu ne’e inflasaun de siplinar ga ou criminal enkuantu inflasaun de siplinar antaun dirativas ne’e ba iha departementu justisa para bele kanaliza sansaun de siplinar ninian,” nia dehan.
Entertantu membru Komisaun B Parlamantar Deputadu Paul Martins, hateten membru PNTL iha nia kompriisiu rasik katak bainhira sai polisia servi deit ba estadu.
“Ajente Officiais, ga Sarjentus ga nebe deit kuandu mai iha PNTL mai para atu servi estadu la’os atu servi fali arte marsiais, wainhira kuandu nia tama iha reckrutamentu nia halo juramentu katak nia servi deit bandeira ho estadu, se uluk nia partisipa iha atividade saida deit nia tenki husik atu bele fo ninia kontribuisaun atu servi lolos deit estadu,” eis Komandante Jeral PNTL ne’e dehan.
Deputadu Martins mos sujere ba Komandante sira tenki hola medidas seriu e justu ba polisia sira nebe envolvido iha artemasiais sira ne’e “tanba polisia ne’e hanesan ajente nebe responsabiliza ba seguransa, labele envolve iha aktividade saida deit nebe ke la’os polisia nian,” nia katak.
