Servisu Tekniko Administrasaun ba Elisaun (STAE), Distritu Oe-Cusse, foin lalais (07/02) hahu fo formasaun ba staff STAE nain 55 kona ba Edukasaun Votantes no Brigadas no lojistika konaba lalaok sistema eleitoral nian nudar preparasaun ba Elisaun Presidensial ne’ebe sei halao iha loron 17 Marsu 2012 no Eleisaun Parlamentar ne’ebe sei halao iha fulan Junhu 2012.
Kordenador STAE Distritu Oé-Cusse, Leoavagildo Pui, hafoin sermonia treinamentu hateten katak intensaun husi formasaun ba staff STAE ne’e hanesan meios ida atu prepara sira nia ema atu fo atendimentu diak molok, durante no hafoin Elisaun Jeral 2012.
“Atu prepara ba Elisaun 2012 ne’ebe sei akontese iha tinan ida ne’e, STAE Distritu Oe-cusse halo ona treinamentu ba pesoal servisu ne’ebe sei atende servisu iha elisaun oin mai ne’e tanba ne’e maka agora dau-daun iha ona trenamentu ba Brigadas 28; Logistikus lima 5 no Edukasaun votantes nain lima, hamutuk ho pesoal servisu STAE, hamutuk nain 55,” hateten Kordenador Pui.
Total sentru votasaun iha Distritu Oecusse hamutuk 28 kompostu hosi 49 estasaun de votu.
“Basea ba survei no monitorizasaun iha base nota katak Oé-Cusse Persija harii sentru votasaun 28 no estasaun de votu 49 centru votasaun. Liu husi ida se’i tau iha suku ne’ebe boot no mos iha estasaun de votu se’i hare liu husi total partisipantes atu nune bele mnimija tempu ka ema forma no hadau malu hodi vota,” hateten Kordenador Pui.
Avelinho Carvalhu Maria Lobato, nudar Membru Brigada Eleitoral ne’ebe tuir mos formasaun hosi STAE ne’e hateten katak intensaun sira siru treinu atu kapasita liutan sira nia parte konaba lalaok elisaun nian li-liu akompanhamentu ka servisu prosesu elisaun ne’ebe se’i halao iha fulan oin mai ne’e ba elisaun Presidensia.
“Maibe ami hanesan Brigadas husu ba STAE presiza duni formasaun ka treinamentu hodi fasilita ami atu nune ami akumpanha prosesu elisaun, akompanha diak liutan ita nia povu sira bainhira atu ba Vota,” nia hateten.
Iha fatin hanesan Hilario Babo hateten katak iha treinamentu ida ne’e maka oinsa atu fo konhesementu mos ba sira nudar Staff Logistika oinsa atu prepara sasan ne’ebe presiza iha tempu elisaun ne’e lao.
“Iha elisaun ne’e hau hanoin ami se’i halao knar hanesan logistiku katak prepara materia ba fatin sira hotu hotu iha ne’ebe mai husi nasional atu aloka ba iha subdistritu no suku sira,” Lojistiku Babo dehan.
