Relasiona ho kestaun katak maske estudante sira pronto ona atu halao prosesu aprendizasen iha Universidade Nasional UNTL uza Lian Portugues no katak karik Dosente sira balun seidauk pronto atu uza Lian Portuguese atu hanorin, UNTL hateten katak ida ne’e kestao ema ida rua nian maibe tenki hare ba kapasidade total UNTL nian.
“Universidade Nasional Timor Lorosa’e pronto ona tan ne’e mak ami academia fo ne’e sira tuir prossesu aprendizajen ho Portugues. Ne’e dehan katak sira pronto ona,” hateten Xefe Departamentu Licenciatura no Akreditrasaun do Ensino Superior Vasco Viana, semana kotuk (26/01) iha nia knar fatin, Misterio Educasuan (ME), iha Vila Verde, Dili.
Tuir Xefe Viana hateten katak labele hare ba dosente ida rua nia koalia katak nia la pronto tanba hanoin ida ne’e kestao pesoal maibe kona ba akademikamente Universidade mak hatene nia kapasidade. “Laos hare ba individu deit maibe hare ba universidade nia kapsidade.”
Chefe Viana hateten tan katak kuando Universsidade dehan katak pronto ona laos hare ba pesoal ida, rua nian deit, maibe hare ba ideias jeral, ne’e signifika katak sira pronto ona no sira mos iha rekursu humano ne’ebe naton atu hanorin ho Lian Portuguesa.
Iha parte seluk tuir estudante Brigida Da Silva, hateten katak nia senti estudantes pronto ona.
“Ami pronto ona atu halo prosesu aprendizasen ho lian Portuges iha Universidade, tamba durante iha ensino baziko, to’o secundario material ne’ebe hanorin ami ho Portugues deit laos ho Indonesia,” hateten tan Estudante ne’e.
