Membru Parlamentu Nasional, Deputada Ana Bela, CNRT, sujere ba meza parlamentu atu kria lalais Lei protesaun ba konsumidores sira tanba dala barak akontese iha loja no merkadu sira negosiante sira sasan nebe prazu liu tiha ona kontinua fa’a hodi komunidade sosa.
“Sasan kuandu tama mai fa’an iha loja sira ne’e prazu mos liu tiha ona, hau hanoin ida ne’e tenki protesaun ba ita nia maluk sira,” hateten Deputada Bela iha Paralamentu Nasional, Dili, semana kotuk (24/1).
Deputada Bela dehan tan katka tenki kria tabela presu ida atu nune’e labele fo todan ba funsionariu kik sira.
Entertantu Deputado Inacio Moreira, FRETILIN, hateten deklarasaun FRETILIN nian fo hanoin ba ema tomak konaba diretiru konsumidores ninian.
“Ba hau, hanoin ida ne’e hanoin universal, ema hotu-hotu tenki respeita.”
Deputado Moreira informa oinsa Parlamentu bele kria lei ida hodi proteje direitus konsumidores ninian.
“Hau hanoin ida ne’e ita bele diskuti, so ke dalaruma nain ulun balun defende fali bainhira konsumidores halo protestu ruma ou hato’o sira nia keisa ruma konaba sira nia direitu konaba konsumidor ninian.”
Iha fatin hanesan Deputado [Naran] Amaral, [Partid], hateten deklarasaun nebe mak bankada FRETILIN fo sai konaba lei portesaun ba konsumidores bele fanun ema kona ba oinsa bele kria lalais lei ne’e.
“Hau hanoin tinan ikus ne’e konsumidores konaba be mos ninian ne’e hetan difikuldade, laos deit be mos atu ba sira nia uma mak lato’o mais be mos ho kualidade,” hateten Deputado Amaral.
Tuir informasaun nebe mak Deputado ne’e hetan iha media katak, Ministeriu Saude taka kompania tolu nebe mak produs be mos la iha kualidade.
“Tanba ne’e mak lei konsumidor importante,” Deputado Amaral haktuir.
