Maske kondisaun Eskola 05 de Maiu Becora la favorese ba alunus sira atu tuir aulas maibe prosesu aprendizajen kontinua la’o mesmu nune’e eskola ne’e hein nafatin suporta husi governu.
“Buat hotu planeadu atraves husi Ministeriu Edukasaun nia komisaun halo ona planu maibe planu sira ne’e pur fase, Timor-Leste la’os iha Distritu Dili mesak maibe ,iha mos distritu seluk, nebe maske hatama proposta barak inklui mos husi eskola 05 de Maiu, maibe governu sei fo prioridade ida ne’ebe grave liu,” hateten Xefe Departementu Ensino Sekundariu Jeral Teknik Vokasional,Duarte Bragansa, semana kotuk (12/01) iha Vila-verde Dili.
Tuir nia, maske kondisauun eskola ne’e aat no falta fasilidade barak maibe profesores sira kontinua hanorin estudante sira tanba sira (mestre no estudante sira) toman ona ho situasaun ida ne’e.
Iha parte seluk Diretor Ensino Bazico, Alfredo de Araujo hateten mesmu eskola ne’e diak hela maibe iha ameasa nia laran.
“Katak wainhira udan bo’ot ka mota tun, bele afeita kedas ba eskola ne’e nia infraestrutura purtantu asuntu ne’e pertenente fo ona orientasaun ba iha edukasaun distrital atu toma medida , sira tenki antisipa hodi buka meus alternative ida para bele fo seguru ba estudante,” Alfredo dehan.
Tuir nia,dezastre naturais bainhira atu mosu laiha kompremitido tanba ne’e director distritaal tenke halo aprosimasaun ho eskola ne’ebe besik liu-liu eskola foun ne’ebe oras ne’e konstrui hela husi embaixada Xina,nune’e bainihra mosu dezastre naturais bele evakua lalais.
“Tanba dezastre no ambiente ne’e laiha kompremitido, la aviza, depende ba iklima. Hau fo ona orientasaun ba diretor atu bele apresima ba eskola nebe besik,” nia katak.
