Tuir Sekretariu Estadu (Se) ba Sekretaria Estadu Formasaun Professional e Empregu (SEFOPE), Bendito Freitas projetu $3 ne’ebe halao husi SEFOPE iha tinan 2011 remata tiha ona iha Dezembru 2011 no pagamentus ba funsionariu sira mos remata tiha ona.
“Se la selu ne’e hau hanoin keta projetu seluk ruma karik tanba SEFOPE nian fim do ano relatoriu taka sira apronta hotu kedas,” hateten SE SEFOPE Freitas iha Parlamentu Nasional, Dili, semana kotuk (10/1).
SE Freitas hateten tan katak la os SEFOPE deit mak halo estradas maibe iha Ministeriu balun mos hanesan servisu ba estradas rurais.
“Mas kestaun seluk ita hare 2012 ba identifka katak seidauk entau buka dalan para atu bele resolve,” haktuir tan SE.
Entertantu Deputadu Antonio Cardozo, FRETILIN, husi Komissaun H nebe mak trata asuntu Juventude, Desportu no Formasaun Professional hateten katak karik problema ida ne’e akontese la os kulpa husi Sekretariu Estadu ninian maibe dala ruma mos failansu husi tekniku ninian.
“Tanba hau hanesan reprezentante parlamentu Prezidenti da Komisaun H ne’ebe ke iha ligasaun direitamente ho Sekretariu Estadu Formasaun Professional mas hau mos hanesan Diretur husi Fundasaun Ingring ne’ebe hatama mos proposta sira ba iha ne’eba tanba prosesu atu selu pagamentu dadaun ne’e sei iha sistema sentralizadu,” dehan Deputado Cardozo.
Nia sublina katak dala ruma failansu tekniku la os hosi parte SEFOPE maibe “se osan mak nia simu tiha ona maibe nia la selu entau ida ne’e ita bele hateten katak nota bem karik bele iha hakarak oin seluk para halakon povu nia direitu karik.”
