Ezaminasaun Forenzika ate¬n¬di¬mentu saude ne’ebe fo atensaun liu-liu kona kondisaun saude feto sira nebe mak hetan violensia seksual nomos violensia domestika.
Atendementu liu husi ezaminasaun forenzika halo hodi hatene lolos kona ba condiasun husi vitima sira rasik hafoin assalto sekual ka domestika.
“Ami fo atendimentu ba vitima liu husi halo ezaminasaun forenzika ba vitima violensia domenstika no violensia seksual bainhira hakarak prosesu ne’e ba iha tribunal liu husi prosesu legal. Atendementu ida ne’e so Doutor ho Parteira ne’ebe mak hetan especialidade ona ba forenzika mak bele halo,” hateten Diretora Uma Hakmatek PRADET, Luiza Marsal, foin lalais iha Dili.
Nia dehan tan katak, apoiu seluk ba vitimas maka wainhira vitima buka apoio hosi PRADET sira tenki simu vitima no fo atendementu no fo fatin seguru hodi sira halo tratamentu mediku. Ajuda seluk maka fo mos akomodasaun ba vitima ba tempu badak, 12 no 24 oras deit.
Iha Biban seluk Diretora FOKUPERS, Maria Barreto, dehan katak ezaminasaun forenzika importante tebes.
“Wainhira vitima mate entaun presiza halo ezaminasaun forenzika atu identifika vitima ne’e mate tamba saida,” hateten Diretora Barreto.
Nia haktuir tan katak FOKUPES mos fo apoiu ba Ezaminasaun Forensika wainhira la os mate ona maibe mos wainhira vitima kanek bo’ot entaun bele lori ba tribunal no halo acompanhamentu atu nune’e bele hetan justisa nebe mak justu.
Ezaminasaun Forenzika nudar evidensia forti ba tribunal renkonhese katak kazu ne’e ka alegasaun violensia domestika ka seksual los duni tamba suspeitu mak baku ka oho duni atu nune’e vitima nia familia sira bele hetan justisa.
Nudar organizasaun ne’ebe fo suporta ba feto makas iha rai laran PRADET no FOKUPERS durante ne’e halo sira nia knar ho diak atu responde ba vitima sira nia nesesidade liu liu apoiu nebe mak sira fo ba vitima sira atu nune’e vitima senti seguru ho sira nia atendementu. Vitima violensia demestika no vitima violensia seksual mai husi distritu 13.
