“Pagamentu ne’e ita mai halo hotu iha sentru ida deit ne’ebe ke dok husi sira nia hela fatin. Ita mos tengki konta difikuldade sira iha; finanseria, difikuldade transporte, difikuldade ba ema ida nebe tenki akompha sira mai fatin nebe hodi selu, difuculdade despeza invesde halo ba ema ida deit tenki halo ba ema nain rua. Buat sira ne’e, hare mos ba sira nia saude katak sira bele aguenta ka lae. Dala barak sira mai ho kabun mamuk dala ruma la simu tan osan fila liu,” hateten Deputada Josefa Soares, semana kotuk (29/11), iha plenaria Parlamento Nasional, Dili.
Deputada Soares hateten tan katak wainhira prosesu lao hanesan ne’e bebeik entaun hanesan Estadu fo kastigu ba idozus sira nune duni nia apela ba governu atu kria mekanismu ida, katak osan ne’e tenki fahe iha suku-suku ka fatin nebe ferik-katuas sira hela ba.
Deputado Arao Noe iha lidun seluk rekonhese problema ne’ebe idozus sira liu liu sira hela dok hosi estrada bo’ot ne’ebe kareta la to’o.
“Ita iha 805 idozus sira tama iha klasifikasaun terseira idade I alejadu sira, depois pagamentu sentralizadu iha Dili. Husi Dili mak desloka ba selu iha distritu, subdistritu, to’o iha suku nebe kareta to’o. Kuandu kareta la to’o entaun la tama, ne’e buat ida todan tebes ba katuas ho ferik sira nebe idozus lao labele ona. Oinsa nia bele lao dok hodi bele simu, sim, ida ne’e hau hanoin problema ida nebe ita hasoru.”
Nia hateten takn katak solusaun ba problema ne’e mak primeriu tenki hadia jestaun, depois presiza haruka ema ne’ebe mak ba selu tun to’o suku idak-idak atu nune’e bele selu ema no nain rasik mak simu duni osan ne’e.
“Solusaon seluk maka agora dadaun aselera ona desentralizasaon katak forma ona Munisipiu sira para bele halo pagementu hanesan ne’e la persija husi nasional mak tun diretamente.
