Teatru ne’ebe ho tema Doll House [Uma Bonekas] ne’ebe hatudu husi Grupu Autasaun Teatru Ungu hosi Jakarta, Indonesia, apezenta semana kotuk [bainhira] iha [fatin], organiza hosi [organizasaun].
Atuasaun Doll House ne’e kesi audiensias nia nia matan no konsentrasaun bainhira hare no rona tanba teatru ne’e laos teatru baibain maibe teatru nee’be hatudu realidade akontese iha mundu tomak no mos iha rai laran Timor-Leste, liu liu iha sosiedade partriarkal, konaba laen la supporta feen iha servisu saida deit, tanba tuir laen feto nia responsabilidade ba oan no iha uma deit entau feen sente hanesan nia moris la folin.
Teatru ne’ebe aprezenta durante 30 minitus no maske rai manas no akotres kosar sira konsegue duni halo partisipantes la sente baruk no dukur atu hare no rona istoria saida mak sira fo sai liu hosi nia nia atuasaun.
Sekretaria Estado ba Sekretaria Promosaun Igualdade, Idelta Maria Rodrigues, hateten katak teatru ne’ebe hatudu husi grupo Ungu Jakarta ne’e hatudu duni realidade no bele refleta moris partisipantes sira ne’ebe hare tanba assuntu sira foti laos foun maibe akontese daudauk iha rai laran.
“Hau hanoin drama ida ne’e hatudu ba ita hotu atu hare no ita hotu hatene buat ne’e akontese duni. Balun karik keta finji lahatene mais ida ne’e akontese, no balun keta matan seidauk loke, karik loke rua hotu hodi hare lolos transparente tanba ne’e verdade. Ho drama ida ne’e bele halo refleksaun ida ba ita,” hateten SE Rodrigues.
Nia hatutan katak teatru ne’e bele ajuda mos Sosiedade Timor-Leste hodi bele halo teatru sira ne’ebe Timoroan sira iha no hanesan lisaun ida ba atu hadia talentu ne’ebe iha. SE Rodrigues rekuinese katak la baruk atu hare no rona maske ho durasaun ne’ebe naruk oituan.
Entretantu Filomena Barros dos Reis, ne’ebe hare mos teatru ne’e hateten katak ne’e laos teatru ne’ebe baibain maibe realidade ne’ebe akontese iha ema nia moris maibe la fo sai.
“Ita prasiza duni hare. Ida ne’e laos drama maibe asaun realidade ne’ebe akontese katak violensia ne’ebe akontese ba feto sira dala barak sira [laen] la baku maibe ho lia fuan hakanek feto, entau feto sente katak nia la folin iha mundu ida ne’e,” dehan audiensia Reis hafoin asiste atuasaun teatru ne’e.
Nia hatutan katak problema Violensia Domestika akontese iha tempu uluk entaun ema dehan bikan ho kanuru mak baku malu laos atu kesar ema arbiru maibe koalia konaba Direitus Umanu tenke respeita malu atu labarik ka ferik labele hakilar malu.
