“Sim alende aprezenta rezultadu anual revizaun hau mos aprezenta planu no estratejia tinan 2012 atu hare saida mak ami sei implementa iha tinan oin,” dehan Komisaria Magno iha semana kotuk (10/11), iha Centru Juvenil, Taibesi, Dili.
Komisaria Magno hatutan katak planu ne’ebe KDL no parseiru sira atu inplementa mak hanesan nafatin halo advokasia, atu hasae komunidade nia sensibilidade ba direitu labarik liu husi planu sira ne’e mak bele kria programa hanesan lansa kampania violensia hasoru labarik no advokasia liu husi forma rede labarik iha distritu.
Tuir nia programa ida tan mak halo analisa ba programa governu nian liu-liu iha distritu hanesan Edukasaun no Saude tanba tinan 2013 sei halo relatoriu nivel internasional ida atu hatudu katak Timor–Leste implementa ona programa saida ba labarik sira.
Iha fatin hanesan Directora Diresaun Nasional de Renserção Sosial (MSS), Antonia Carmen da Cruz, hateten katak konaba planu no estrategia KDL nian ba tinan 2012 ne’ebe sei halo analiza ba servisu governu nian.
Tuir Directora da Cruz planu ne’e inportante tebes tanba KDL nia knar nia tenke tau matan ba governu nia instituisoens no departamentus ne’ebe relevante hanesan Ministeriu Saude, Edukasaun, Solidaridade Social no Ministeriu Justisa oinsa fo protesaun ba labarik.
“Importante tebes Komi saun nia planu ba tinan oin atu halo analiza ba programa governu nian no halo peskiza ba asuntu kritiku konaba labarik. Ba ami ne’e inportante tebes tanba Komisaun hanesan orgaun ida ne’ebe governu Timor-Leste harii atu bele tau matan katak nasaun Timor-Leste implementa duni Konvensaun Direitu Kabarik,” hateten Diretora da Cruz.
Directora ne’e mos hatutan katak parte governu presiza duni Komisaun ida atu halo analiza ba programa ne’ebe governu implementa ba Konvensaun Direitu Labarik tanba Komisaun mak sei ajuda governu atu halo relatoriu ba Jenebra konaba implementasaun iha Timor–Leste.
