Iha Timor–Leste dala barak juventude involve aan iha konflitu oin-oin dala barak realidade ida ne’e akontese tanba la iha aktividade ne’ebe anima juventude sira hanesan aktividade desportu atu sira labele hanoin konflitu.
“Husu ba governu kompetente atu halo rehabilitasaun ba ami nia kampu ne’ebe la diak, liu–liu fasilidade desportu nia hanesan farada, bola no seluk tan atu nune’e bele halibur joventude sira iha bairo laran, ho aktividade desportu bele minimize konfliku entre joven kuandu laiha aktividade desportu iha entau konflitu sei mosu arbiru iha bairo laran” dehan Joventude Pascuel Vila Nova, (19/10) iha lahane Osidental
Joventude ne’e hatutan katak aktividade desportu iha suku Lahane Osidental suku Rai Hun mak tebe bola deit volley la iha tanba kampu laiha, nia hateten katak sira hatama ona proposta iha ministerio balun maibe seidauk iha rezultadu.
Iha oportunidade ne’e Joventude ne’e husu ba maluk joventude sira seluk atu labele hanoin konaba konflitu tanba konflitu sei destroy joven nia moris iha futuru, halo buat ne’ebe bele fo benifisiu ba ita nia moris.
iha parte seluk Sekretario estado joventude e desportu (SEJD), Minguel Mantelu hateten katak rekursu ne’ebe sekretario estado Joventude e desportu iha la bele responde hotu ejijensia joventude sira hotu nia hakarak.
“ita iha prioridade ne’ebe tenke halo iha Dili ita temi iha capital nasaun nian mais joventude ne’ebe iha foho tutun dalaruma ita la to’o maibe sira mos hakarak dalaruma sira lahetan tanba ne’e ita iha prioridade ho rekursu ne’ebe limitadu ami la bele halo buat hotu-hotu iha tempu ne’ebe hanesan tanba ne’e mak balu hetan balu la hetan,” dehan SEJD Mantelu (28/20) iha sala enkontru SEJD.
Mantelu rekuinese katak perkupasaun joventude hanesan kampu no fasilidade desportu laos joventude Lahane Osidental deit maibe kuaze fatin hotu-hotu hakarak.
