“Ita hare katak ida ne’e sai prekupasaun bo’ot laos ba distritu Aileu mesak maibe iha teritorio tomak konaba estrada. Governu aloka orsamentu ne’be bo’ot tebe-tebes maibe inplementasaun neineik tebes ida ne’e mak sai prekupasaun bo’ot ba komunidade sira iha area rurais. Pior liu iha tempu udan, sira labele lori produtu agricultura ba iha merdaku,” hateten Administrador Distritu Aileu, Martinho Sequira Alves Matos, foin lalais (26/10), iha Salaun Paroqial, subdistritu Remexio, Distritu Aileu.
Administrador Matos hatutan katak ho kondisaun estrada ne’ebe iha distritu Aileu mak aat nia sei buka atu motiva komunidade sira liu husi ajuda asistensia umanitaria fo fos ba komunidade no mos koko atu bele taka estrada kuak nune’e bele utilize transporte hodi lori sira nia produtu agricula ba Kapital Dili. Administrador Matos informa tan katak distritu Aileu Iha kareta anguna 4 ne’ebe kobre komunidade sira nia produtu local ba iha merkado iha kapital.
Adminsitrador ne’e mos hateten katak nis mos servisu ho komunidade rasink atu hadia estrada, ne’e ho komunidade sira nia vontade rasik atu nune sira bele sirkula sira nia produtu local ba iha merkado doke hein Estado bainhira mak tama iha area rurais atu hadia estradas atu fasilita komunidade nia movimentu.
Iha parte seluk Chefe Suku Tulataqueo, Adolfo Mendonsa Mauhunu, preokupa tebes ho kondisaun estrada iha area rurais ne’ebe kontinua aat hodi fo impedementu ba Organizasaun Naun Governamental (ONG) sira atu halo programa dezenvolvimentu iha area rurais.
“Husu ba ministerio ne’ebe kompetente atu bele fasilita lalais ba estrada ne’e laliu husi pengarasan maibe halo pengarasan ne’ebe sufsente netik hodi bele aguenta preparasaun ba festa demokrasia,” hateten Chefe Suku Mauhunu.
Iha lidun seluk komunidade Gregorio Soares hateten katak kestaun estrada sai preokupasaun bo’ot ida ba komunidade iha area rurais atu lori sira nia produtu lokal ba iha merkado atu faan hodi hetan rendimentu oituan.
“Ho kondisaun estrada ne’ebe la fo benefisiu mai ami tanba ami atu lori ami nia produtu ba iha merkado la diak pior liu iha tempu udan tanba estrada ida agora ne’e tate ho rai mutin entau udan ne’e aat los oinsa ami bele hetan osan sa tan ami nia produtu dodok deit iha uma,” dehan komunidade Soares.
