Lei Kodigu Sivil ne’ebe Parlamentu Nasioanl aprova iha fulan setembru 2011 promulga foin dadauk hosi Prezidente da Republika Jose Ramo-Horta.
Tuir Deputadu Manuel Tilman, KOTA, Lei kodigu Sivil importante tebes atu bele regula sidadaun hotu nia vida tomak.
“Regula mos Estadu, kuandu Estadu ninia hahalok hanesan pesoa privada,” hateten Deputado Tilman.
Nia dehan, lei kodigu sivil bele regula rai estadu nian no rai privadu no uma estadu nian no mos uma privadu.
“Pur ezemplu uma ida ne’e Kuartel ida, Kuartel ne’e Ministeriu Defeza nian, ida ne’e privadu,” haktrui Deputadu Tilman.
Nia esplika katak Lei Kodigu Sivil ne’e mos sei regula ema nebe moris mai no defini ema hotu nia direitu.
“Inan aman antes atu kaben, regula iha neba, katak kaben tuir Igreja nian ka kaben tuir lisan.”
Deputadu Tilman mos hato’o katak Lei Kodigu Sivil sei regula hotu ba ema nebe mate no husik hela nia sasan fahe ba familia sira no fahe oinsa.
Enkuantu Deputadu Arao Noe, CNRT, hateten katak Lei kodigu Sivil Parlamentu Nasional aprova tiha ona no haruka ba Prezidenti da Republika no promulga tiha ona.
“Prezidenti da Republika promulga tiha agora no Tribunal komesa preparasaun atu aplika,” hateten Deputadu Noe.
Nia hatete, Lei kodigu Sivil ne’e diak hamutuk dujezentus ital Artigus, maibe pontus balun nia rasik la dun konkorda konaba lei ne’e.
“Mas iha balun hau ladun konkorda, ida mak konaba kazamentu barlakeadu, ida seluk mak konaba Be nian.”
Membru Parlamentu ne’e esplika katak, Lei Kodigu Sivil ne’e sei regula mos be estadu no be publiku, be komunidade, no be privadu.
“Lei ne’e hateten be-matan nebe sai iha ema nia to’os laran, be ne’e ninian.”
Wainhira be iha ema nia to’os laran, mak estadu dada ba komunidade sira, wainhira komunidade hatene lei ne’e, ema sei la fo’o.
“Ne’e akontese iha Maubise, momentu ami komisaun ba iha neba ho komunidade husu nusa mak Maubise be la iha, be iha soke be matan ema ninia nain halo tiha to’os neba, nebe dehan be ne’e ninian la kohi fo dada mai iha Vila.”
Deputadu Noe haktuir tan kaak tuir lolos iha lalehan iha rai, no iha rai okos estadu mak pudera hodi uza ba estadu ba Povu.
