Ignoransia mak halo ema moris ho disabilidade hetan tratamentu oin seluk hosi sira ne’ebe sosiedade hanoin ne’e mak ema normal.
Iha Timor-Leste, labarik no joven moris ho disabilidade tilun diuk sira nia moris bele hetan dezafius oin-oin deit, la os tanba sira bele halo buat hout emal ho abilidade bele halo, maibe tanba sira tilun diuk sosiedade hanoin katak sira la bele halo hanesan, liu liu kona ba assessu ba edukasaun ho kualidade.
“Hau ki’ik hakarak tebes atu ba escola no hau nia inan aman hatama hau ba escola hamutuk ho ema normal sira husi ne’eba, mestre sira esplika kona ba escola Agape escola ba ema tilun diuk no la hatene koalia. Fila uma hau mos hateten ba hau nia inan aman katak hau hakarak ba escola hamutuk ho hau nia kolega sira ne’ebe hanesan hau, ema dezabilidade,” hateten joven Vinildio Carvalheira semana kotuk (18/10) iha Escola Agape, Delta 1, Dili.
Tuir Joventude Carvalheira bainhira nia sei ki’ik nia iha hakarak tebes atu ba escola maibe hare katak escola ba ema ho dezabilidade hanesan nia la iha maibe nia la lakon esperansa no ba tuir escola hamutuk ho ema normal sira iha escola ne’e nia professors sira esplika kona ba escola Agape ne’e especial ba ema ho dezabilidade no tilun diuk sira inklui mos sira ne’ebe lahatene koalia.
“Escola sai hau fo hatene ba hau nia inan aman sira katak agora iha escola ba ho tilun diuk e hau nia inan aman sira mos konkorda e hau ba tau hau nia naran iha escola Agape,” nia konta tuir.
Buat ne’ebe nia hakarak atu bele moris nudar labarik ida mak hanesan aprende oinsa atu hakerek le, toka muzika ho Sailafon, halimar volleyball, tennis iha Bebonuk tamba atu prepara mos ba nia futuru aban bainrua nian.
“Husi escola ida ne’e aban bainrua remata tiha escola hau hakarak tebes atu sai professor atu nune’e bele hanorin fali ba labarik sira seluk ne’ebe seidauk aprende no hakarak atu mai tuir prosesu aprendizasen hanesan agora dadauk hau aprende tiha ona,” hateten joven Carvalheira.
