Atu aumenta liu tan kapasidade feto sira iha area rural Organizasaun Naun Govermental (ONG) Timor Aid fo formasaun produz mina nu no hortikultura ba komunidade iha Weberek tanba barak mak moris nudar agricultor.
“Husi Timor Aid nia programa ida ne’e, no fo formasaun ba ami oinsa mak atu hase liu tan ami kapasidade bele suporta ami hodi fila lima hodi buka moris nune’e bele suporta ba ami nia nesesidade lor loron nian,” hateten Joana da Costa, semana kotuk (12/10) iha Weberek, Distritu Manufahi.
Tuir nia katak partisipantes ba formasaun rua ne’e hasoru kada semana ida loron rua.
Formasaun ida ne’e laos ba area agricultura deit. “Sira mos hanorin oinsa atu hakiak no halo kolam ikan,” nia haktuir.
Nia hateten mos katak modon musan sira uza atu halao viveirus mos hetan hosi Timor Aid no servisu ne’e halo grupo, kada grupo mais ou menus iha ema nain 4 ou lima.
Carlos Da Silva, Director ba Formasaun ne’e hateten katak formasaun ne’ebe partisipantes hetan mak iha areas tolu; produz mina no, hortikultura no mos hakiak kolam ikan.
“Ami nia formasaun ne’e hahu iha fulan Marsu 2011, ne’e nu ne’ebe ami uza atu halo ho mina ne’e husi duni produto rai laran bainhira kuando la to’o mak ami ba hola tan iha Mercado Dotik no Same,” hateten Diretor da Silva.
Tuir Director ne’e katak sira produz mina virgin hodi mos ajuda kura ema nia moras bainhira kuando moras kona derepente deit.
“Ami seidauk bele fa’an sai ba rai liur maibe hodi fasilita komunidade iha Weberek ne’ebe to’o oras ne’e tuir kbit no fundus ne’ebe mak ami halo, mos sei ki’ik ne’ebe ami hanoin ba oin se bele husu tulun ba Governo atu ajuda mos ami nia formasaun ida ne’e bele lao baoin,” haktuir nia.
Maibe preokupasaun ba sira mak oinsa hetan transporte atu hodi lori sira nia produto ba iha mercadoria no mos bele lori ba iha suku, Distritu no mos Subdistritu sira ne’e mak hasoru difikuldades liu.
