Sekretariu Estadu (SE) hosi Sekretaria Eletrisidade, Agua e Urbanizasaun (SEAU), Januario Pereira, hateten katak, urbanizsaun ba sidade Dili ate agora sidauk lao tanba la iha orsamentu maibe iha Orsamentu Jeral du Estadu (OJE) 2012 mak foin bele tau orsamentu.
“Urbanijasaun to’o agora ami sidauk bok. Iha 2012 mak ami foin bele tau osan,” hateten SE Pereira, iha Parlamentu Nasional, iha Dili, semana kotuk (13/10).
Entertantu tuir Deputadu Joaquin Amaral nivel ezekusaun la iha progresu ruma maibe karik mai oin mak tau orsamentu.
“Tuir lolos ida ne’e importante tebe-tebes tanba hau hanoin Sekretariu Estadu hanoin didiak katak infrastrutra, ita halo urbanijasaun ne’e tanba ita urbaniza sidade,” hateten Deputadu Amaral.
Deputadu ne’e mos hateten tan katak tuir lolos SE Freitas nebe kaer urbanijsaun defini politika mak tekniku sira halo tranformasaun ba iha nia programasaun ba iha nia projetu depois parlamentu aprova nia finasiamentu.
“Prontu ita seidauk tama iha faze ida ne’e, ita foin halo projetu deit tanba ne’e mak ita hare iha Dili laran sasan barak sei lao sabraut,” haktuir tan Deputadu Joaquin.
Enkuantu Prezidenti Komisaun G, Pedro da Costa, hateten katak horas ne’e dadauk transporte engarafamentu ba bebeik tanba sidauk iha planu urbanizsaun.
“Urbanijasaun ninia laok ne’e oinsa, tanba sidade Dili agora kresimentu trafiku dala barak ita hare engarafamentu iha nebe ne’ebe deit,” husu Deputadu da Costa.
