“Ami nia agrikultor sira agora sira bele ba ona fa’an sira nia produto iha merkado Dotik no Same. Movimentu bele buka penumpang sira ba to’o iha fatin ne’eba tamba estrada diak ona. Uluk estrada seidauk diak ami ba fa’an mos lori oituan deit tamba kondisaun estrada a’at,” hateten Xefe Aldeia Weberek, [Naran], semana kotuk (12/10), iha Aldeia Weberek Distritu Manufahi.
Tuir Xefe Aldeia [Apelido] katak durante estrada a’at sira la lori sira nia produto ba merkadu tamba estrada a’at. Tau iha kuda mak lori mak bele maibe lori oituan deit tuir kondisau kuda ne’ebe iha. Maibe ho rehabilitasaun ba sira nia estrange sira agora bele hetan asesu ba dalan Nasional ba Dotik no Same.
Nia hateten tan katak agora estrada diak ona sira bele hetan asesu ba klinik iha Dotik no Hospitaal iha Wedauberek no ho estrada ida ne’e bele ajuda “Ami nia agrikultores sira; agora kareta, angguna, bis, motor bele halai mai iha Weberek ne’e no mos bele ba fa’an sira nia produsaun iha Mercado Dotik.”
Iha parte seluk Domingos Sarmentu nudar komunidade hateten katak agora estrada mos diak ona buat hotu diak ona maibe ida mak “ami sei preokupa tebes tamba transporte ba ami mak sei limitadu tebes.”
“Ami nia produto lori ba Mercado Dotik lori la barak, ami lori karung ida rua deit mak ba fa’an atu lori to’o saka lima hanesan tenki hare ba kondisaun Mikrolet atu aluga deit mos araska atu hetan,” hateten komunidade Sarmentu.
Tuir nia makes difikuldades transporte maibe uluk situasaun aat liu. Antes halo rehabilitasaun ba estrate Weberek, nia konta, sira iha komunidade ne’e susar tebes atu lori produto sira ba Mercado no tenki tau tau iha gerobak dudu deit maibe ida ne’e mos difisil tebes tamba estrada kuak ba mai no halo roda gerobak nia sai kuak hotu.
