Relasiona ho Komandante Jeral Falintil Forsa Defeza Timor-Leste (F-FDTL) Xefe Estadu Maior Jeneral Taur Matan Ruak ne’ebe rezigna aan ona husi nia kargu, signifika pozisaun ida ne’e mamuk,maibe se mak atu prenxe fali fatin ne’e,depende ba Xefe Governu.
“Hau laiha problema,hau konese komandante sira ne’e hotu tinan barak nia laran,sira hotu kompetisia kapasidade para bele lidera forsas armadas hodi troka hau,maibe ne’e depende ba Primeiru Ministru,tanba nia mak iha kompetensia,”hateten Xefe Estadu Maior Taur Matan Ruak semana kotuk (29/09) iha serimonia despedida ho membru F-FDTL sira iha Metinaro,Dili.
Maske antes ne’e nia parte hato’o lista estrutura foun F-FDTL nian ba Governu hodi bele aprova no deside maibe konformi Xefe Governu.
Entretantu tuir Xefe Estadu Maior Interinu,Koronel Falur Rate Laek katak iha mundu ne’e laiha ema ida mak manda to’o mate iha kualker pozisaun ida inklui iha instituisaun F-FDTL hanesan akontese dadaun ba Komandante Jeral Taur ne’ebe rezigna aan hodi fila-fali ba vida sivil.
“Nia labele sai aman ba bei-beik, tenke sai avo mak sai ba matebian ida,ida ne’e mak ita nia prosesu moris iha mundu ne’e hanesan siklu ida,”nia dehan.
Falur esperansa katak,se deit mak komanda hodi troka Komandante Taur nia fatin,tenke tuir deit e nia labele inventa fali.
