Relasiona ho feto foinsa’e barak mak la konsege remata sira nia eskola no bele kontinua hikas eskola maibe presiza kria lei ida, Diretor Nasional Planu Estatistika Teknolojia no Informasaun Ministeriu Edukasaun, Afonso Soares afirma depende ba Parlamentu ne’ebe halo lei.
“Ami hanesan peskizador labele halo buat ida, maibe ami sei rekomenda ba leten mas ne’e depende ba orgaun lejislasaun ne’ebe halo lei,”hateten Diretor Nasional Planu Estatistika Teknolojia no Informasaun, Afonso Soares semana kotuk (20/09) iha Vila verde,Dili.
Kona-ba feto sira ne’ebe la konsege remata sira nia eskola, nudar peskizador halo ona peskiza iha distritu 3, ne’ebe diskunfia iha disritu 3 ne’e mak barak liu feto sai sedu husi eskola. Distritu 3 ne’e mak Distritu
“Iha peskiza ne’e rezultadu hatudu mai ita katak maioria feto barak ho idade 17 ba leten nia persentajen barak liu (idade 17 iha 20%), (18 anos iha 22%), (idade 19 iha 28%) duke idade 16 mai kraik,”nia informa.
Iha mos rezultadu peskiza ne’e hatudu katak kauza feto foinsa’e la akaba sira nia eskola maioria tanba tama eskola tarde, distansia eskola husi uma do’ok, la seguru bainhira ba eskola no seluk-seluk tan hanesan kultura Timor nian ne’ebe sempre impede feto atu hetan asesu to’o nivel bo’ot.
“Numero husi rezultado peskiza ne’e feto hamutuk 76 mak sai husi escola ne’ebe mak hetan husi Distritu 3 ne’ebe SEPI ba halo peskiza ba e nia rezultadu ne’e sei iha prosesu hakerek nia laran ,” nia dehan.
Rezultadu peskiza ne’e hakerek iha versaun rua, iha lian Inglesh no lian Tetun e iha lian Tetun nian atu besik remata ona e versaun Inglesh mak seidauk.
Iha parte seluk Secretaria Estadu Promosaun e Igualidade ( SEPI ) Idelta Maria Rodrigues hateten feto foin sa’e ne’ebe droup out husi escola , iha oportunidade atu kontinua hikas sira nia escola .
“Sim, sira iha direitu atu kontinua hikas sira nia escola tantu iha nivel universidade no secundario ,” nia dehan.
Entretantu tuir Deputada Virginia Ana Belo katak ME la presiza kria lei ida maibe presiza deit regulamentu ida ne’ebe bele aplika iha escola hotu.
