Rehabilitasaun Eskola Sekundaria no 4 UNAMET, iha Matadouro, Dili, ne’ebe oras ne’e dadaun hala’o hela iha tempu hanesan orario estudantes tuir aprendizajem empata estudantes nia konsentrasaun tanba la konsegue rona professores ho barulhu kontrusaun no muskia loke aas.
Maria Regina, estudante terseiru anu iha eskola ne’e hateten, kondisaun iha eskola ladun favoravel atu sira hala’o prosesu aprendizajen iha aula.
“Bainhira ami hala’o aula laiha konsentrasaun ba professor sira, tanba ami rona mak lian barullu no rona músika ne’ebe sira toka lor-loron,” dehan estudante Regina, semana kotuk iha eskola fatin.
Nune’e mos, Diretor Eskola, Marcelino da Costa, hateten tanba kondisaun eskola oras ne’e dadaun la diak mak prosesu rehabilitasaun ba eskola ne’e halao iha tempu hanesan aulas nian.
Total aula iha ESP 4 UNAMET hamutuk 26, maibe agora dadaun estutantes sira utiliza de’it aula 12, tanba aula sira seluk sei reabilita hela.
“Prosesu aprendizajen iha eskola ne’e troka malu aula. Maibe, ba prosesu aprendizajen ba estudante terseiru anu aula normal, tanba sira tama ona ba faze preparasaun ba ezame nasional,” tenik Diretor da Costa.
Diretor Eskola ne’e esplika katak, proposta ne’ebe mak eskola ne’e hatama ba embaixada America no Australia, konsege hadia iha tempu feriadu.
Foin lalais Governu hala’o tenderizasaun ba kompañia nasional Sunrise sira no determina tempu no prosesu rekonstrusaun eskola ne’e atinji ona pursentu hitu nulu resin lima (75%) no tuir planu, rehabilitasaun eskola ne’e sei remata fin Setembru.
Nune’e, Francisco da Silva, reprezentante Kompañia ne’ebe kaer rehabilitasaun eskola ne’e hateten kontratu ba reabilitasaun ESP 4 UNAMET iha fulan 16 Agustu to sei remanta iha 15 Setembru 2011.
Nia hatutan katak reabilitasaun eskola tuir lost hotu iha fulan Setembru maibe seidauk bele garante ba data refere tanba sei adianta tempu atu taka kalen ba edifisius ne’ebe reabilita daudauk.
