“Hau la’os dehan la gosta lee livrus kona-ba siensia sira maibe hanesan joven ida hau gosta liu mak novel, liu-liu istoria kona-ba cinta-cinta nian,”hateten Sonia Lay, semana kotuk (08/09) iha Sional Dili.
Tuir nia, dala barak ema gosta liu livrus ne’ebe iha istoria ne’ebe relevante ho sira nia moris lor-loron nian duke lee livrus siensia sira.
“Maibe hau sente katak loron ida ohin ne’e ema hotu ne’ebe iha Timor laran tomak bele fo liu nia tempo ba le livru duke halo buat sira seluk ne’ebe la dun importante ba sira nia moris tamba le livru ne’e buat ida diak teb-tebes, aumenta ita nia matenek,”nia dehan.
Iha fatin hanesan Cesaltino dos Santos rekonese katak ohin loron joventude barak mak gosta liu lee novel duke livrus siensia nian.
“Ohin iha loron internasional lee nian, hau fo hau nia tempu tomak atu lee livrus sira ne’e tanba ohin loron especial lee nian,”nia katak.
Tuir nia, lee livrus importante liu duke lee novel. “Tanba husi lee livrus barak ita bele hetan buat barak ne’ebe mak iha escola ita la aprende iha ne’eba maibe ita kuando le barak sei hetan esperensia barak e koinhesemntu barak husi livru ne’ebe mak ita le ne’e,” nia dehan.
Tanba ne’e husu ema hotu,liu-liu jovens sira atu labele soe tempu hodi lee livrus ne’ebe la importante maibe lee livrus siensia sira “nune’e bele aumenta ita nia matenek no konesementu,” nia husu.
