David Timor Oan no
Golias Australia Oan
Luta kontinua nafatin
Ronda tuir hahu ona
Funu nain ida tan sira haruka
Atu koko halo buat ne’ebe nia patrisiu la konsegue
Hakuak morbidu
Entre David no Golias
Nain rua jigantes ho tamanho la hanesan
Luta atu hetan rekursus natureza
Maibe sira la hatene
Katak luta manan tiha ona
Tanba justisa sempre manan
Liu opsaun ekonomika diak liu
Katak nune Timor-Leste sei haree iha tempu ikus
Kadoras dada mai
Liu hosi tasi, liu hosi foho iha tasi okos
Liu hosi vales iha Tasi Timor
Dada to’o ita nia kosta
Nune ran metan no iis manas Inan nian
Sei garante beoan Tata Lafaek
Sei bele lao lemo rai
Nudar Timor nia Oan
