Komisaun Eventual Verifikasaun de dadus ba veteranus, suspende eis veteranu Marcos Coreia husi suku Osoala-distritu Baucau nia direitu tanba durante tempu rezistensia nia oho ema maibre tuir deputada Josefa Alvares Soares, katak nia bele simu nia direitu tanba kumpri ona pena prizaun ba nia hahalok ne’e.
“Ital abele impata ema nia direitu atu simu nia osan veteranus nian, tanba maske nia oho ema maibe nia kumpri ona pena prizaun durante tinan 5 e ital abele suspende ema nar-naran deit,” hateten Deputada Josefa Alvares Soares, semana kotuk iha Parlamentu Nasional.
Tuir nia, autor Marcos Coreia oho matebian Filomeno tanba diskunfia selungkuh ho nia ferik oan. “Iha momentu ne’eba, autor ne’e mai tuir kursu iha Dili, e rona katak nia kaben selingkuh ho matebian ne’e, entaun nia mai oho tiha,” nia konta.
NIa hatutan, sira nain rua ne’e mesak luta nain rezistensia nian e problema ne’ebe akontese, ne’e problema privadu “Tanba ne’e ita separa tiha, labele suspende ema nia direitu ho nar-naran deit,” nia katak.
Entretantu tuir Deputadu Agusto Tara, katak maske nia parte seidauk hatene kona-ba informasaun ne’e, maibe tuir lei veteranus nian hateten ona katak veteranus ne’ebe involve iha kazu homisidum nia lakon nia direitu atu simu osan veteranus nian.
“Ne’ebe hau hanoin komisaun eventual presiza halo investigasaun klean kona-ba kazu ne’e, tanba ital abele suspende deit nune’e, maibe presiza hatene lolos kazu ne’e,” nia sujere.
“Se hau la sala artigu 3 ou artigu 2 hateten klaru iha ne’eba dehan ema ne’ebe mak hetan krime dolorozu ruma, oho ema ou krime seluk ruma ne’ebe konsidera hanesan krime ida, nia lakon ninia sobrevivensia nian,” nia dehan tan.
