Komisaun Anti Korupsaun (KAK), Komisariu Aderitu de Jesus, hateten, oras ne’e dadaun KAK halo ona investigasaun ba kazu korupsaun hamutuk 15.
“Kona-ba se se mak involve iha kazu korupsaun to’o iha tribunal mak ita boot sira akompana e agora ita tenke halo investigasaun ho klean kona-ba korupsaun,” hateten Komisariu KAK Aderito de Jesus, semana kotuk iha Sentru Konvensoens, Dili.
Tuir nia parte kontente tebes ho media, tanba bele pasa informasaun ba publiku, tanba ne’e iha tempo oin mai mos KAK sei halo mos asaun hamutuk mos ho media sira.
“Dehan ita nia asaun meius kombate korupsaun ne’e, entaun labele investigasaun deit, tenke la’o hamutuk ho prevensaun no ho edukasaun,habelar informasaun liu husi media,” haktuir nia.
Iha parte seluk, tuir komunidade Mascarenhas, Joel da Silva katak, ema ne’ebe mak involve iha vida korupsaun tenki lori ba iha Tribunal atu bele julga.
“Se’e kazu korupsaun mak la haruka ba Tribuanal ne’e, ida ne’e hatudu katak, ema ne’ebe mak involve iha kazu korupsaun ruma nia bele kontinua halo fila fali,” haktuir Joel iha eis merkado Lama Dili nia oin.
Joel hatutan atu korupsaun labele mosu iha nasaun Timor-Leste, presiza halo sosilizasaun ba publiku.
“Atu nune’e ita nia publiku bele hatene, saida mak korupsaun, hodi nune’e aban bairua ema ruma mak atu involve iha vida korupsaun karik nia bele tauk,” nia tenik.
