Ospitál Rejional Eduardo Ximenes (HOREX) Baucau iha ambiente ne’ebé moos maibé rai manas, tanba laiha aimahon ruma iha área ospitál nian.
Vise-Ministru Saúde ba Operasionalizasaun Ospitál (VMSOO), Flávio Brandão Mendes de Araújo Hospital Rejionál Eduardo Ximenes (HOREX) Baucau ambiente moos, maibé problema mak ai mahon la iha.
“Ita haree ambiente Ospital HoREX Baucau moos, maibé ai mahon mak la iha, tanba ne’e husu atu kuda ai oan iha areador Ospital laran, atu nune’e fó mahon ba ita hotu, tanba rai manas demais,”hatete Vise-Ministru Saúde ba Operasionalizasaun Ospitál (VMSOO).
Nia dehan, ospital HOREX Baucau bele akumula pasiente barak, ho nia atendementu ne’ebe di’ak, maibé tenke kuda ai oan atu nune’e fó mahon ba ambiente iha ospital nian.
“Ohin ha’u ko’alia ona ho Diretór Ezekutivu HOREX, Ospital ne’e tenke kuda ai oan atu nune’e fó mahon ba ita,” nia salienta.
Iha fatin hanesan, Diretór Ezekutivu HOREX Baucau, Claudino Ximenes esplika, Ospital HOREX Baucau rai ateru de’it ho rai-mutin la’ós rai-metan, tanba ne’e kuda aioan labele moris, aleinde ne’e bee la iha.
“Kuaze tinan 10 ona ami kuda aioan iha ne’e barak, maibé tanba bee moos la iha atu rega no HOREX Baucau ne’e halo uza de’it rai mutin mak ateru entaun kuda aioan susar atu moris,” dehan Diretór Ezekutivu HOREX Baucau iha nia servisu fatin Baucau.
Nia hatutan, ai kiik kaon sira-ne’e kuda iha ne’e barak mak ema nauk hotu tiha no animal sira mos iha ne’e husik de’it entaun mai estraga hotu, maske nune’e ami sei kontinua kuda nafatin.
