Komandu Jerál Polísia Nasionál Timor-Leste (PNTL) loke ona prosesu ba membru Polísia na’in haat ne’ebé envolve iha kazu abuzu poder.
Komandante Jerál Polísia Nasionál Timor-Leste (PNTL) Komisáriu Henrique da Costa dehan, mémbru na’in-ha’at (4) ne’e tenta husu osan ba ema sira ne’ebé hatama fugetis ilegál iha área Liquiça nian, ne’e konsidera abuzu poder ka subornu.
“Membru na’in ha’at (4) ne’e ita loke prosesu oin rua ida prosesu disiplinar no prosesu kriminál,” nia hatete.
Nia dehan, prosesu kriminál nian rejistu ona iha diresaun investigasaun kriminál nian, disiplinar nian despaxu ba ona iha diresaun justisa nian.
“Sira relata númeru prosesu mai Komandu ita hahú foti ona médida tatolar ka medida transferensia ka suspensaun nian ou buat seluk ne’ebé kriminál nian,” nia informa.
Enkuantu nia dehan, mémbru polísia na’in-ha’at (4) ne’ebé komete kazu abuzu poder ne’e durante ne’e hala’o servísu iha munisípiu Liquiça.
Entretantu Prezisente Komisaun B iha Parlamentu Nasional, trata Asuntu Defesa no Seguransa, Deputado Domingos Augusto “Deker” hatete, sasaun displinar kriminál ne’ebé Komandu Jerál PNTL foti ba membru na’in-ha’at (4) ne’e pozitivu tebes, nune’e membru sira labele halo krimi arbiru no hala’o knaar iha terenu tuir orden.
“Sansaun disiplinar ne’ebé mak komandu aplika ba membru sira, nune’e sira bele responsabilidade ba aktu krimi ne’ebé sira komete,” Prezidente Komisaun B “Deker” hatete.
Nia hatete, tanba ne’e Komisaun B husu ba futuru membru ne’ebé komete iha kazu krime tenke submete ba prosesu no aplika sansaun tuir krimé ne’ebé nia komete.
