Ministériu Edukasaun (ME) la autoriza komunidade loke eskola paralelu tanba la priense kritéria.
Sekretariu Estadu Ensinu Sekundariu no Tekniku Vokasionál, Domingos Lemos Lopes dehan, eskola paralelusira ne’ebé mak antes ne’e komunidade sira loke ona ne’e la prense kritéria no halo arbiru deit ikus mai fó salaba Ministériu Edukasaun.
“Ita la autoriza tan komunidade sira atu loke eskola paralelu iha suku no aldeia sira, karik hakarak loke tenkeprense kriteira no hetan aprovasaun husi Ministériu Edukasaun, nune’e labele mosu tan problema seluk,” niasalienta.
Nia dehan, kritéria atu loke eskola iha 7, primeiru mak tenke iha rai rasik, tenke iha osan rasik, no tenke ihaestudante liu atus ida ba leten, tenke iha profesór no seluk tan.
“Bainhira la priense kriteira hirak ne’e ita sei la autoriza komunidade loke eskola paralelu,” nia informa ihaSalaun INFORDEPE, Balide Díli.
Tan ne’e husu ba Diretór Servisu Edukasaun Munisípiu sira atu kontrola numeru, la bele autoriza komunidade loke eskola paralelu tan.
“Dadaun ne’e ita tau hela atensaun ba eskola paralelu balun iha Viqueque liu-liu iha Uatulari Uatucarbaun no iha Ermera, tanbamosu desintendimentu entre komunidade no Ministériu Edukasaun,” Sekretariu Estadu Lemos hatete.
Entretantu, Diretór Eskola Tekniku Vokasionál 28 Novembro, Joao Pinto, dehan eskola paralelu ne’e loke di’akona hodi fasilita estudante sira asesu besik ba edukasaun.
“Maibé atu loke tenke kumpri regulamentu sira no hetan aprovasaun husi Ministériu Edukasaun, atu nune’e bainhira hetan problema governu bele apoiu. La’ós loke la iha autorizasaun husi governu ikus fó salagovernu,” nia dehan.
Tanba ne’e hanesan diretor ba eskola aseita ho desizaun Ministériu Edukasaun nian hodi la autoriza lokeeskola paralelu ikus hasoru problema estudante mak sai vítima.
