Diretor Nasional Edukasaun munisipio Viqueque, Emilio Amaral, hateten hahu dia 1 fulan Abril 2016 programa merenda escolar iha munisipio Viqueque hahu fila fali.
Nia dehan, durante fulan tolu programa merenda escolar iha munisipio Viqueque lalao, tanba orsamentu sai tarde.
“Iha munisipio Viqueque merenda escolar komesa fila fali ona,” Diretor Amaral hateten via telephone.
Nia hateten, objetivu implementa programa ne’e mak atu fo han estudantes, liu –liu sira ne’ebe hela do’ok husi escola dader la konsege matebixu, nune’e sira bele konsentra ba sira nia aprendizajen iha aula.
Nia informa, munisipio Viqueque programa merenda escolar implementa iha escola publiku ensino baziku central 18 no ensino baziku filial iha 78.
Iha parte seluk Ministru Edukasaun, Antonio da Conçeicão, hateten orsamentu ba programa merenda escolar depende ba numeru estudantes, tanba ne’e kada munisipio orsamentu la hanesan.
“Kada alunus 0,25 sentavos, tanba ne’e montante orsamentu depende ba iha numeru estudantes,” nia hateten.
Nia dehan, programa ida ne’e implementa iha escola ensino baziku no filial sira publiku no privados.
