Pontu Vokal Polisia Nasional Timor-Leste (PNTL), Superintendente Umbelina Soares, hateten feto PNTL sira presiza hetan formasaun kona ba lideransa nian.
Nia dehan, feto PNTL sira nia konsementu kona ba oinsa atu sai lideransa sei minimu liu, entaun presiza hetan formasaun.
“Ami nia konesementu kona ba asuntu lidernasa nian sei minimu liu, ami presiza kapasitasaun,” Komandante Soares hateten, iha nia knar fatin, Kaikoli, Dili.
Nia rekonese, katak iha feto PNTL balun iha ona konesementu, maibe barak liu mak seidauk.
Nia dehan, kestaun ne’e husi parte pontu vokal hato’o ona ba iha komando no hein deit atu realize treinamentu ne’e.
Iha parte seluk Membru Grupu Feto Parlamentar (GFTL), Deputada Josefa Alvares Soares, hateten feto PNTL sira presiza hetan treinamentu iha aspetu hotu, liu-liu iha parte lideransa nian.
“Oinsa atu sai feto ne’ebe tegas, bainhira sai ona lideransa oinsa kria koperasaun diak ho membru sira, ne’e oinsa, sira tenke hatene ida ne’e,” Deputada Soares hateten.
