Vise Koordenadora Sentru Estudu Jeneru Univesidade Nasional Timor Lorosa’e, Judite Dias Ximenes, hateten tempu ona atu integra materia jeneru iha kurikulum Ensino Superior hanesan mata kuliah espesifiku ida.
Nia rekonese, katak durante ne’e dosente sira Universidade Nasional Timor Lororsa’e (UNTL), fahe duni informasaun kona ba kontiudu jeneru ba iha estudantes, maibe la sufsiente.
“Asuntu jeneru ne’e sai mata kuliah espesifiku ida,” Koordenadora SEJ, Ximenes sujere, iha Kaikoli, Dili.
Nia haktuir, ema barak mak seidauk kompriende kona ba kontestu jeneru, sira nia komprensaun jeneru mak feto, tanba ne’e presiza integra iha kurikulum edukasaun, formasaun profesional publikas sira.
“Ita presiza ema barak hatene saida mak jeneru no dezenvolvementu,” nia dehan.
Entretantu Diretor Jeral Ensino Superior , Abrão dos Santos, hateten ideias ida ne’e mosu ona iha diskusaun elaborasaun kurikulum Ensino Superior.
Nia haktuir, ema hotu hakarak integra iha kurikulum nudar disiplina ida, maibe depende ba iha diskusaun elaborasaun ekipa nian desizaun.
“Materia iha tiha ona, sei halo hela elaborasaun,” Santos hateten.
