Membru Parlamentu Nasional konsidera Polisia Nasional Timor-Leste (PNTL) faila atu halo kapturasaun ba dadur nain rua ne’ebe halai sai husi komarka Becora no to’o agora seidauk detekta.
Deputadu Cesar Valente, hateten dadur nain rua ne’ebe halai sai iha tinan kotuk Juga Gama no Alcino Mendes to’o agora seidauk kaptura.
“Hau dehan faila, tanba kleur ona sira iha liur,” Deputadu Valente , iha PN.
Durante ne’e nia dehan, iha ajensia barak-barak hanesan servisu nasional intelegensai, no G2 maibe nusa mak la utuliza hodi detecta dadur nain rua ne’e nia paraderu iha ne’ebe.
“Hau preokupa liu ho polisia intenlengia iha ne’ebe, nusa mak la funsiona,” lamenta Deputadu Valente.
Tan ne’e nia husu ba PNTL atu justifika difikuldade saida mak polisia sira infreta nune’e kusta tebes hodi kaptura dadur nain rua ne’e.
“Polisia nia difikuldade ne’e iha ne’ebe los,” dehan Deputadu ne’e.
Enkuantu dadur Juga Gama tama iha prizaun tanba deskonfia involve iha kazu droga no dadur Alsino Mendes deskonfia oho ema iha hotel garden Beach, no dadur nain rua ne’e halai sai husi prizaun bekora iha data 3 novembru 2013.
Hatan ba Preokupasaun ne’e Komandante Operasaun, Superintendente Xeve Armando Monteiro rekunhese katak durante ne’e seidauk detecta lolos paradeiru dadur nain rua ne’e iha ne’ebe, maibe polisia esforsu nafatin hodi buka.
“Ami halo kordenasaun diak entre Lia nain sira, veteranus sira, lider komunitaria sira iha suko laran, hodi kolabora” dehan Komandante Operasaun Superintendente Xeve Armando Monteiro, iha nia knar fatin.
Durante halo operasaun hodi kaptura dadur nain rua ne’e, nia dehan polisia hasoru difikuldade barak, hanesan menus rekursu umanu, no ekipamentus hodi detecta dadur sira ne’e nia paradeiru.
Maibe nia dehan mesmu nune’e polisia nafatin esforsu atu buka tuir dadur nain rua ne’e, tanba ne’e husu ba orgaun soberanu no komunidade tomak hodi aguenta.
