Membru Parlamentu kestiona kona ba rehabilitasaun estrada diresaun Dili, Baucau no Manatuto ne’ebe to’o agora seidauk hahu, maske orsamentu aprova tiha ona desde tinan 2013.
Deputada Benvinda Catarina Rodrigues, hateten total orsamentu ne’ebe preve tiha ona iha tinan kotuk ba obra ne’e hamutuk $10,718 miloens.
“Bainhira los maka estrada ne’e atu hadia,” Deputada Rodrigues kestiona, iha Parlamentu Nasional.
Hatan ba kestaun ne’e, Ministru Obras Publiku (MOP), Gastao de Sousa, katak sira seidauk hahu projetu ne’e, tanba tenke liu husi Tribunal de Kontas hodi haree orsamentu ba obra ne’e.
Tanba ne’e,nia dehan, sei lori tempu naruk, maibe dezenhu detailadu ba estradas ne’e halo tiha ona.
“Hein deit konselho nasional atu halo konkursu,” Ministru de Souza hateten.
