Tribunal Distrital Dili (TDD) halo julgamentu ba kazu hadau malu rai entre inan ho oan, ne’ebe arguido FG (oan) ameasa lezada MB (inan) ho katana iha lezada nia uma, iha Kaikoli.
Kazu ne’e akontese iha Kaikoli, iha loron 20 de Abril 2011. Iha deklarasaun lezada MB iha TDD, katak FG mai iha lezada nia uma hodi husu rai pedasuk iha uma sorin ne’e tenke entrega ba arguido hodi halo kios.
Maibe iha altura ne’eba lezada la konkorda, tanba lezada atu halo uma hodi fo ba ema aluga.
Tanba arguido la simu razaun ne’e, entaun argoido ne’ebe iha tempu ne’eba hola feto ona no hela mesak ho nia fen, hodi ba foti katana iha nia uma mai ameasa lezada.
“Nia ameasa hau, dehan kuandu la fo rai ne’e, nia sei tetak sasan uma laran ne’e to’o rahun didiak,” dehan Lezada iha tribunal.
Tanba tauk ho ameasa ne’e, iha altura ne’eba lezada ho nia vizinhu (feto ida) ba kedas iha polisia distritu Dili hodi hato’o keixa.
Maibe vitima hateten iha momentu ne’eba arguido la halo asaun ne’ebe mak arguido relata ba vitiam iha momentu ne’eba.
Entretantu arguido FG iha momentu ne’eba hili atu nonok no konsidera akuzasaun husi Ministeriu public no lezada (nudar inan rasik) ne’e los.
No wainhira prosesu ne’e lao iha tribunal arguido husu ona diskulpa ba lezada no promote ba lezada katak nia (arguido) sei la halo tan hahalok ne’e iha future oin maibe.
Depois rona tia declarasaun husi arguido no lezada, juis president deside atu absolve tia kazu ne’e, tanba lezada no arguido diak malu ona ho lezada, no iha altura ne’eba mos arguido la halo aktu ne’ebe nia kolia ba lezada.
