Tribunal Distrital Dili hamonu sentensa tinan 14 ba arguido VP tanba provadu komete krimi violasaun seksual hasoru nia oan hakiak ho inisial CF.
Iha akuzasaun Ministeriu Publiku (MP) ne’ebe aprezenta ba tribunal prova katak, iha dia 10/06/ 2012 iha aldeia Tuhilo leten, suko Fahilebo, Dstritu Liquisa iha oras 12: 30 arguido ho konsiensia halo violasaun seksual hasoru vitima.
Iha momentu ne’eba arguido halo relasaun seksual ho vitima ne’ebe foin halo tinan 12 fulan 10, ne’ebe sei kategoria labarik minoridade.
Insidente ne’e akontese durante labarik nia inan desloka ba tuir eventu ida iha Fatumeta.
Iha altura ne’eba, vitima CF deklara katak nia atu hakilar, maibe arguidu taka metin tiha vitima nia ibun no ameasa atu buti mate vitima nia kakorok, kuandu hakilar, no hatete mos atu la bele fo hatene saida mak akontese ba nia inan.
Hafoin insidente ne’e vitima so fai saida mak akontese ba nina inan ne’ebe ba hatoo keixa kedas ba polisia.
