Estudante husi Eskola Ensino Baziku Dom Caelito Distritu Bobonaro agora dadaun tuir prosesu aprendizajen iha kuda luhan tanba sira nia eskola ameasadu (rai halai) nia laran.
Deputadu Eladio Faculto hateten, eskola ne’e agora dadaun iha kondisaun rai halai, uma nakfera no halo estudantes no mestre sira halai sai hotu.
“Ita inpendensia 15 anos ona, maibe ema eskola fali iha kuda luhan, ne’e la normal,” preokupa Deputadu Eladio Faculto, iha PN, Dili.
Iha sorin seluk rProgram Manager Rede Edukasaun Timor Leste Coalition for Education(TLCE),Matias do Santos katak,ida ne’e moe bo’ot ida no governu tenke tau atensaun.
“Ami hanoin governu presiza hasa’e tan orsamentu 20 to’o 25% ba setor edukasaun, ho nune’e mak bele resolve problema edukasuan nian ne’ebe durante ne’e sai preokupasaun ema hotu nian,” tenik Program Manager TLCE ne’e.
Nia dehan, problema hanesan ne’e la’os akontese deit iha Distritu Bobonaro, maibe iha Zumalai no iha fatin barak mak kondisaun eskola la favoravel ona,” katak Program Manager TLCE ne’e.
Entretantu bainhira Jornalista TDW koko konfirma asuntu ne’e ba iha Vise Ministra Edukasaun,Dulce de Jesus Soares iha Parlamentu Nasional maibe nia lakohi fo komentariu kona ba asuntu ne’e.
