“Agora dadauk iha ga lae tanba hau senti katak ita presiza duni, to’o ona tempu ita iha sentru ida para halo fo formasoens diplomata de kareira duke ita haruka ita nia diplomata sira tuir formasaun ka treinamentu iha liur,” sujere Deputada Brigida Correia, iha Parlamentu Nasional, (15/02).
Hatan ba preokupasaun ne’e Ministru Negosiu Estranjeiru (MNE), Jose Luis Guterres katak, presiza duni harii institute diplomatiku ida nune’e bele fo formasaun ba diplomata Timor oan sira.
“Agora konstrusaun besik hotu ona institute ba diplomatiku ne’e, ita sei kria kondisoens para ita bele fo formasaun iha ne’e,” katak Ministru Guterres.
Maske nune’e nia hatutan, diplomata sira presiza mos ba vizita rai liur, estuda iha fatin seluk hodi hatene lingua, kultura pais ne’ebe sira atu servi ba.
“Ami mos hare ona katak aban bainrua wainhira antes ita haruka ita nia embaisador ou ita nia diplomata sira ba iha liur,ita presiza hanorin sira ho profesores ne’ebe kapasitadus bele hanorin kultura,lingua no historia ba fatin ne’ebe ita ba serve,” tenik Ministru Guterres.
Nia dehan, Institute Diplomata ida ne’e harii, nune’e sir abele tuir formasaun liu-liu aprende didiak kona ba istoria Tuimor-Leste nian iha pasadu no agora.
